သုံးပါးတစ်ဆူ_ထာဝရဘုရား_ယုံကြည်ရခြင်း (Trinity)

#သုံးပါးတစ်ဆူ_ထာဝရဘုရား_ယုံကြည်ရခြင်း

- သုံးပါးတစ်ဆူ (Trinity) ဘုရားသခင် ယုံကြည်

ကိုးကွယ်မှုဆိုတာ လူတွေတီထွင်ထားတဲ့ အရာ

မဟုတ်ဘဲ သမ္မာကျမ်းစာ(Bible)ကို အခြေခံတဲ့

ခရစ်ယာန်ယုံကြည်ခြင်းရဲ့ အဓိကကျတဲ့ အယူ

ဝါဒ သွန်သင်မှုတစ်ခု ဖြစ်ပါတယ်။ ကျမ်းစာ နဲ့ ခရစ်ယာန်သမိုင်း မှတ်တမ်းများအရ မှန်ကန်တဲ့ ကိုးကွယ်ယုံကြည်မှုနဲ့ လွဲမှားတဲ့ ခရစ်ယာန် ကိုး

ကွယ်ယုံကြည်မှု တို့ကိုခြားနားဖို့ အသုံးပြုကြတဲ့

စံပြု(Standard) အယူဝါဒ(Doctrine)လည်းဖြစ် ပါတယ်။သုံးပါးတစ်ဆူ(Trinity)ဘုရားသခင်ကို

ကက်သလစ် (Catholic) ခရစ်ယာန်များအပါအ ဝင် Orthodox နှင့် ပရိုတက်စတင့် (Protestant) ခရစ်ယာန်များ အများစုကလဲ လက်ခံ ယုံကြည်ကိုးကွယ်ကြပြီး ခရစ်ယာန်ယုံကြည်ခြင်းရဲ့နှလုံး

သားလို့ ပြောကြတဲ့ အယူဝါဒ(Doctrine)ဖြစ်ပါတယ်။

- သမိုင်း အထောက်ထားများအရ အေဒီ ၃၁၂ ခုနှစ်ခန့်မှာ သုံးပါးတစ်ဆူ ဘုရားသခင် အယူဝါဒမှာပါတဲ့ သခင်ယေရူခရစ်တော်(Son of God)ရဲ့ ဂုဏ်တော်(Divinity) ပတ်သက်ပြီး အငြင်းပွားမှုတွေကနေ စတင်ခဲ့ပြီးနောက် အသင်းတော်ဆိုင် ရာကောင်စီအသီးသီးခေါ်ယူပြီး ဆွေးနွေးအဖြေ ရှာဖို့ အားထုတ်ခဲ့ကြပါတယ်။ (၄) ရာစု အစော

ပိုင်းမှာတော့ အသင်းတော်ကောင်စီ အသီးသီး

မှ သုံးပါးတစ်ဆူ ဘုရားအယူဝါဒကို လက်မခံ

ကြတဲ့ ခရစ်ယာန်တွေကို မိစ္ဆာဒိဋ္ဌိ(Heresy ) လို့

သတ်မှတ်ခဲ့ကြပြီးနောက် ခရစ်ယာန်သမိုင်းတစ်လျှေက် ယနေ့အချိန်ထိ ကမ္ဘာ့အသင်းတော်များဆိုင်ရာ ကောင်စီအသီးသီးက တညီတစ်ညွတ် ရှုတ်ချခဲ့ ကြပါတယ်။

- ဒီနေ့ခေတ် ခရစ်ယာန် အသိုင်းဝိုင်းမှာ သုံးပါးတစ်ဆူ ဘုရားသခင်ကို လုံးဝယုံကြည်လက်မခံတဲ့ အသင်းတော်မြောက်များစွာ ရှိကြောင်းတွေ့

ရပါတယ်။ United Church of God, Jehovah’s, United Pentecostal church(UPC), Mormon Church (CJC), Jehovah’s Witnesses, living

Church of God, Unification church, The Way International, The Church of God နဲ့ Iglesia ni Cristo စတဲ့ အသင်းတော်များ ဖြစ်ပါတယ်။

- ဒီနေ့အထိ ကမ္ဘာလုံးဆိုင်ရာ အသင်းတော်များ ကောင်စီ (World Council of Churches)မှာက သုံးပါးတစ်ဆူ(Trinity)ဘုရားသခင်ကို ယုံကြည်လက်ခံခြင်းမရှိတဲ့ အသင်းတော်များကို အဖွဲ့ဝင် (Member)ခွင့်ပိတ်ပင် ထားပါတယ်။ မြန်မာပြည်မှာတော့ မြန်မာနိုင်ငံ ဧဝံဂေလိခရစ်ယာန် မဟာ မိတ်အဖွဲ့ချုပ် (MECA) မှာတော့ သုံးပါးတစ်ဆူ ဘုရားသခင်ကို ယုံကြည်လက်ခံခြင်း မရှိကြတဲ့ United Pentecostal Church ( UPC) အသင်းတော်ကို အဖွဲ့ဝင်(Full Member) အဖြစ် လက်ခံထားကြောင်း တွေ့ရပါတယ်။ အဓိက လက်ခံရတဲ့အကြောင်းရင်းကို လုံလောက်စွာတော့ မသိရပေမယ့် အချို့ခေါင်းဆောင်များရဲ့ ဖြေကြား

ချက်အရတော့ အင်းအားပိုတောင့်တင်းအောင် လက်ခံခြင်းသာဖြစ်ကြောင်း ဖြေကြပါတယ်။

ရာခိုင်နှုန်းအရ ပြောရရင် တစ်ကမ္ဘာလုံးမှာ ရှိတဲ့

ခရစ်ယာန် ၉၈ % ကသုံးပါးတစ်ဆူ ဘုရားသခင် လက်ခံယုံကြည်ကိုးကွယ်ကြပေမယ့်လို့ ၂% က

တော့ ယုံကြည်ဖို့ငြင်းပယ် ကြပါတယ်။

- ခရစ်ယာန်အများစု ယုံကြည်တဲ့သွန်သင်မှု ဖြစ်

ပေမယ့်လို့ သုံးပါးတစ်ဆူ ဘုရားကို ယုံကြည်ပါတယ်လို့ ခံယူကြတဲ့ သူတွေကလဲ ဒီ အယူဝါဒနဲ့ ပတ်သက်လာရင် စိတ်ဝင်စားခြင်း မရှိကြသလို လေ့လာသူတွေအရမ်းနည်းတာ တွေ့ရပါတယ်။ နောက်တော့ ကိုယ်ယုံကြည်ကိုးကွယ်တဲ့ ဘုရားနဲ့ ပတ်သက်လာရင် သူတပါးကိုရှင်းပြဖို့ မပြောနဲ့ ကိုယ်တိုင်က ဘာမှန်းမသိတဲ့ ခရစ်ယာန်ကိုက ဒုနဲ့ဒေး ပါ။ တစ်ဖက်မှာ အရမ်းကိုနက်နဲပြီး လူ့ဦးနှောက်ဖြင့် အဖြေရှာရ ခက်ခဲ့တဲ့ (Mystery) အယူဝါဒ (Doctrin) ဖြစ်လို့ပါဆိုပြီး ခရစ်ယာန် ဆရာ၊ ဆရာမအများစုက သုံးပါးတစ်ဆူဘုရား နဲ့ ပတ်သက်လာရင် ရှင်းပြဖို့မလိုဘူး ယုံကြည်ဖို့ပဲ လိုတယ်ဆိုပြီး အလွယ်တစ်ကူ ပြောဆို တတ်ကြပါတယ်။ သေချာတာက ကောင်းမွန်တဲ့ ဖြေရှင်းနည်းတော့ မဟုတ်ပါဘူး။ ဒီချိန်ထိ မြန်မာပြည်မှာ သုံးပါးတစ်ဆူ ဘုရားသခင် အယူဝါဒ သွန်သင်မှုကို ပုလ္လင်(Pulpit) ပေါ်ကနေ ယုံကြည် မှုအပြည့်နဲ့ ဟောပြောသွန်သင်တဲ့သူ အလွန်ရှားပါတယ်။

- ဒါကြောင့် ခရစ်ယာန်ဘာသာဝင်တိုင်း ကိုယ်ယုံကြည် ကိုးကွယ်တဲ့ဘုရားသခင်ကို မှန်ကန်စွာ သိစေလိုတဲ့ ဆန္ဒဖြင့် အချိန်ယူရေးသား ရခြင်းဖြစ်ပါတယ်။ ကျွန်တော်တို့ ကိုးကွယ်တဲ့ ဘုရား သခင်ကို မှန်ကန်စွာ သိခြင်းထက် အရေးကြီးတဲ့ အရာလောကမှာ ဘာတစ်ခုမှ မရှိပါဘူး။ ဒီကိစ္စနဲ့ ပတ်သက်ပြီး ရှင်းပြဖို့ တောင်းဆိုထားကြတဲ့ ယုံကြည်သူအားလုံး သမ္မာတရား(Bible) ကိုသိပြီး ယုံကြည်ခြင်း ခိုင်မြဲစွာဖြင့် ဘုရားသခင်ကို ယုံကြည်ကိုးကွယ် နိုင်ကြပါစေလို့ မေတ္တာပို့ ဆု တောင်းပေးပါတယ်။ အစကနေ အဆုံးသေချာ ဖတ်ပြီး ဝေဖန်ထောက်ပြ အကြံပေးမှုတွေအား လုံး ဝမ်းသာစွာ ကြိုဆိုပါတယ်။

#အကြီးမြတ်ဆုံးသော_ဘုရားသခင်

- အားလုံးတူညီတာ တစ်ခုကတော့ သုံးပါးတစ်ဆူ ဘုရားသခင်ကို ယုံကြည်သည်ဖြစ်စေ၊ မယုံ ကြည်သည်ဖြစ်စေ ဘုရားသခင် (God) ဆိုတာ ပြည့်ဝစုံလင်စွာ (Perfectly) ဘယ်သူမှ မရှင်းပြနိုင်ဘူး ဆိုတာကို သိစေချင်ပါတယ်။ တစ်ကယ်လို့များ ပြည့်စုံစွာရှင်းပြနိုင်တယ်လို့ ပြောတဲ့သူက မိမိကိုယ်ကို မိမိဘုရားသခင် (God)လို့ သက်မှတ်ခြင်းသာ ဖြစ်ပါလိမ့်မယ်။ လူသားအားလုံးရဲ့ အသိက အကန့်သက်ရှိပြီးတော့ ဘုရားသခင်တစ်ပါးသာလျှင် အလုံးစုံကို ပြည့်ဝစုံလင်စွာသိ တဲ့သူ ဖြစ်ပါတယ်။ ပြည့်ဝစုံလင်စွာ မရှင်းပြနိုင်လို့ မယုံကြည်ရဘူးလား မေးခွန်းရှိကောင်း ရှိပါလိမ့်မယ်။ ဒီနေ့ သိပ္ပံခေတ်ကြီးမှာ ပြည့်ဝစုံလင်စွာ မရှင်းနိုင်ပေမယ့် မယုံကြည်လို့မရတဲ့ အရာအများကြီး ရှိပါတယ်။(ဥပမာ= အလင်း (Light) ကို ဒီနေ့ထိ ဘယ်သိပ္ပံပညာရှင်ကမှ ပြည့်ဝစွာ စုံ လင်စွာ မရှင်းပြနိုင်ကြပေမယ့် အလင်းရဲ့ တည် ရှိမှုကို မလက်ခံလို့ မရပါဘူး။နာမည်ကြီး ကမ္ဘာ့ နိုဘလ်(Noble) ဆုရှင် ရူပဗေဒ ပညာရှင်ဖြစ်တဲ့ Richard Feynman ကိုယ်တိုင်က ယနေ့ရူပဗေဒ က စွမ်းအင်(Energy )ဆိုတာ ဘာလဲဆိုတာမသိသလို ဘယ်သူမှ မရှင်းပြနိုင်ဘူးလို့ ပြောဆိုခဲ့ပါတယ်။ သေချာတာကတော့ စွမ်းအင်ရှိတယ် ဆိုတာ မယုံကြည်လို့ မရပါဘူး။ (၂၁)ရာစုရဲ့ ကမ္ဘာ့အတော်ဆုံးလို့ ပြောကြတဲ့ သိပ္ပံပညာရှင်ဖြစ်တဲ့ Stephen Hawking ကိုယ်တိုင်က တစ်ချို့ အမှန်တရားကို ပြည့်ဝစုံလင်စွာဖြင်ြ မရှင်းပြနိုင်ကြပေမယ့် လက်မခံလို့မရတဲ့ အရာတွေရှိတယ် ဆိုတာကို ပြောဆိုသွားခဲ့ဖူးပါတယ်။ ဘုရားသခင်ရဲ့ကြီးမြတ်ခြင်း အရာအားလုံးကို ဘယ်လူသား

မှ ပြည်ဝစုံလင်စွာ မသိနိုင်ကြပေမယ့်လို့ သူ့ရဲ့ တည်ရှိမှုကို စိတ်ချစွား ယုံကြည်လို့ရပါတယ်။

ဒါကြောင့် ခရစ်ယာန်ဘာသာဝင် ဖြစ်ပြီးတော့

ကျမ်းစာ (Bible)ကိုဘုရားသခင်ရဲ့ နှုတ်ကပတ်တော် ဖြစ်တယ်လို့ ယုံကြည်လက်ခံရင် သုံးပါးတစ်ဆူ ဘုရားသခင်ကို ပြည့်ဝစုံလင်စွာ မနား လည်နိုင်ရင်တောင် လက်မခံလို့ မရတဲ့ အမှန်တရားသာဖြစ်ပါတယ်။

#သီလော်ဂျီဆိုင်ရာဝေါဟာရအသုံးအနှုန်း

- သုံးပါးတစ်ဆူ (Trinity) ဆိုတဲ့ စကားလုံးက လက်တင် ဝေါဟာရဖြစ်တဲ့ “Trinitas” မှဆင်း သက်လာပြီး အဓိပ္ပာယ်က"သုံးထပ်"(threefold)

ဖြစ်ပါတယ်။သုံးပါးတစ်ဆူ(Trinity) စကားလုံး ကို (အေဒီ ၁၈၀) ခန့်မှာ အန္တိအုတ်မြို့က အသင်း

တော်ကို ဦးဆောင်ခဲ့တဲ အသင်းတော် ဖခင်ကြီး

ဖြစ်တဲ့ Theophilus ရေးခဲ့တဲ့( To Autolycus 2:

15) စာစောင်မှာ ပထမဦးဆုံးစတင် တွေ့ရှိရပါတယ်။ နောက်ပိုင်းမှာတော့ အသင်းတော် ဖခင်ကြီး တစ်ဦးဖြစ်တဲ့ Tertullian(အေဒီ ၁၅၅- ၂၄၀)

ရေးသားခဲ့တဲ့ စာစောင်မှာတွေ့ရတဲ့ အပြင်ကို ဒီ

သုံးပါးတစ်ဆူ(Trinity) မှန်ကန်ကြောင်း ခုခံကာကွယ်ခဲ့ပါတယ်။ ဆက်လက်ပြီး ဒီအချိန်ထိတိုင်

အသင်းတော်များကသုံးပါးတစ်ဆူဘုရားသခင်

ဟု သုံးစွဲကြပါတယ်။

- သုံးပါးတစ်ဆူ ဘုရားသခင် အယူဝါဒကို ဆန့်

ကျင်တဲ့သူတိုင်းရဲ့ လက်သုံးစကားက "ဘယ်မှာလဲ သုံးပါးတစ်ဆူ(Trinity) ဆိုတာ ကျမ်းစာမှာ ရှိလားပြ"စသည်ဖြင့် ပြောဆိုတတ်ကြပါတယ်။

ဒီစကားလုံးက ဘယ်ကျမ်းစာမှာမှ မတွေ့ရဘူး

ဆိုပြီး အောင်ပွဲခံ တတ်ကြပါတယ်။ မှန်ပါတယ်

ရှစ်နှစ်ကျော် ကျွန်တော်ရဲ့ ခရစ်ယာန် ယုံကြည်ခြင်းသင်ယူလေ့လာမှုအရ ဒီစကားလုံးကကျမ်း စာ(Bible)မှာရှိတယ်လို့ ပြောတဲ့သူတစ်ယောက်

မှ ခုချိန်ထိ မတွေ့ဖူး‌သေးပါဘူး။ ကျမ်းစာ သင် ယူလေ့လာသူတိုင်း သုံးပါးတစ်ဆူ (Trinity) ဆိုတဲ့စကားလုံးက ကျမ်းစာမှာလုံးဝမရှိမှန်းကို သိကြပါတယ်။ ဒါကိုသုံးပါးတစ်ဆူ(Trinity)ဘုရား သခင်ကို ယုံကြည်သူတွေလည်း သိကြပါတယ်။ သုံးပါးတစ်ဆူ(Trinity) လက်မခံတဲ့ အခြားတစ်

ဖက်က တစ်ဦးတည်းဖြစ်ခြင်း(Oneness) ဒါမှမ ဟုတ် တစ်ဆူတည်းဝါဒ(Unitarian) ယုံကြည်သူ

တွေသိဖို့ လိုတာကလည်း သူတို့ခုယုံကြည်တဲ့ ဒီ

စကားလုံးတွေက ကျမ်းစာမှာ လုံးဝမရှိပါဘူး။သုံးပါးတစ်ဆူကို ယုံကြည်ခြင်းက ဘုရား(God)

ကိုပြစ်မှားခြင်းလို့ ခံယူတဲ့ အစ္စလမ်ဘာသာဝင်မှာလည်း ဘာသာဝင်တိုင်းက Allah ဘုရားကို တစ်လုံးတစ်ဝတည်းသောဘုရား Allah’s Unity (Tawhid) ဖြစ်တယ်ဆိုတာ မယုံကြည်လို့မရပေမယ့် (Tawhid) ဆိုတဲ့စကားလုံးက ဘယ် Quran

ကျမ်းမှာ မရှိပါဘူး ။ ပြောချင်တာက ဒီဝေါဟာ ရ အသုံးအနှုန်းတွေက ဘုရားဗေဒ (Theology) ဆိုင်ရာစကားလုံး အသုံးနှုန်းဖြစ်တယ်ဆိုတာကို လေ့လာ သင်ယူသူတိုင်း နားလည်ကြပါတယ်။

ဒါကြောင့်သိစေချင်တာက သုံးပါးတစ်ဆူ ဆိုတဲ့ စကားလုံးအတိကျ အသုံးနှုန်းက ကျမ်းစာမှာ မရှိပေမယ့် သုံးပါးတစ်ဆူ ဘုရား ဖြစ်ကြောင်းကို

ကျမ်းစာက ငြင်းပယ်လို့မရအောင်ကို ရှင်းလင်းစွာတွေ့ရပါတယ်။

- အလွယ်ကူဆုံး နားလည်အောင် သုံးပါးတစ်ဆူဘုရားရဲ့ အဓိပ္ပယ် (Definition) ရှင်းပြရမယ်ဆိုရင် သုံးပါးတစ်ဆူ(Trinity) ဘုရားသခင်ဆိုတာ

“တစ်ဆူတည်းသော ဘုရားသခင်(God)တည်ရှိပြီး ထိုဘုရားသခင် (God) အတွင်းမှာ တစ်လုံး

တစ်ဝတည်းဖြစ်တဲ့ ခမည်းတော်(Father)၊သားတော်(Son)၊ သန့် ရှင်းသောဝိညာဉ်တော် (Holy Spirit) ဆိုပြီး ပုဂ္ဂိုလ်သုံးပါး တည်ရှိကြပါတယ်။ ထိုပုဂ္ဂိုလ်သုံးပါးက သီးခြားပုဂ္ဂိုလ်များ အဖြစ်ထာဝရတည်ရှိကြပြီး လုပ်ဆောင်မှုနဲ့ ရည်ရွယ် ချက်တွေက တူညီကြပါတယ်။”

- ‌ပြောချင်တာက သုံးပါးတစ်ဆူ(Trinity)ဆိုတာ တစ်ဆူတည်း တည်ရှိသော ဘုရားသခင်ကို ယုံ

ယုံကြည်မှု နဲ့ပတ်သက်ပြီး နားလည်မှုအပေါ်ဖွင့်ဆိုတဲ့ အသုံးအနှုန်းသာ ဖြစ်ပြီး ထိုတစ်ဆူတည်းသောဘုရား သခင်အတွင်း ခမည်းတော်၊သားတော်၊သန့်ရှင်းသော ဝိညာဉ်တော် ဆိုတဲ့ ပုဂ္ဂိုလ်သုံးပါးရဲ့တစ်လုံးတစ်ဝတည်း ဖြစ်ခြင်းသဘောကို ရည်ညွှန်းတဲ့ အသုံးအနှုန်းဖြစ်ပါတယ်။

#ယုံကြည်ခြင်းရဲ့သက်သေ

- ခရစ်ယာန်သာသာဝင်တိုင်း ဘာဖြစ်လို့ သုံးပါးတစ်ဆူ(Trinity) ဘုရား အယူဝါဒ(Doctrine) ကိုယုံကြည်ဖို့လိုအပ်လဲ ဆိုတာကိုအချက် (၃) ချက်ဖြင့် ဆွေးနွေးတင်ပြချင်ပါတယ်။

(၁)နှုတ်ကပတ်တော်မှ သွန်သင်ခြင်း

(၂)ခရစ်ယာန်သမိုင်းမှ သက်သေများ

(၃)တွေးခေါ်မှုဆိုင်ရာအရ မှန်ကန်မှုရှိခြင်း

(၁)#နှုတ်ကပတ်တော်မှ_သွန်သင်ခြင်း

- သုံးပါးတစ်ဆူဘုရား မယုံကြည်တဲ့သူတိုင်း အ

မြဲပြောလေ့ ရှိတဲ့အရာက ကျမ်းစာကိုကြည့်ကြပါ ဆိုတဲ့အရာဖြစ်ပါတယ်။မှန်ပါတယ်ကျမ်းစာ

ကြည်တဲ့အခါ ကျမ်းချက်တစ်ခုသာ မဟုတ်ဘဲ ကျမ်းစာအားလုံး (Total Scripture) ကို သေချာကြည့်ပြီး လေ့လာဖို့လိုပါတယ်။ပြဿနာက သုံးပါးတစ်ဆူ(Trinity) လက်မခံတဲ့သူ အများစုက ကျမ်းစာကို မျက်လုံးတစ်ဘက်ပိတ်ဖြင့် ဖတ်ရှုလေ့လာတတ်ကြပါတယ်။သုံးပါးတစ်ဆူဘုရားဖြစ်ကြောင်း သက်သေပြဖို့ ကျမ်းစာမှာ မရှိဘူးလို့ ယူဆတတ်ကြပါသေးတယ်။ တစ်ချို့ဆရာတွေက သုံးပါးတစ်ဆူဘုရားကို ယုံကြည်တဲ့ သူ

မှာ သက်သေဆိုလို့ (ရှင်ယောဟန် ပထမစာစာင် ၅:၇-၈ ) သာရှိတယ်လို့ ပြောကြတဲ့ သူတွေလဲရှိပါတယ်။ အဖြေကတော့ ကျမ်းစာရဲ့ မူလစာမူ (manuscript) သမိုင်းလေ့လာမှုမရှိခြင်းနဲ့ ခရစ် ယာန် သမိုင်းလေ့လာမှု အားနည်းခြင်းကြောင့်သာ ဖြစ်ပါတယ်။ (ရှင်ယောဟန် ပထမစာစာင် ၅:၇-၈ ) ကျမ်းချက်ကို (Comma Johanneum ) လို့ခေါ်ကြပြီး ဒီ ကျမ်းချက်ကို (King James) ကျမ်းစာမှာသာ တွေ့ရပြီး တစ်ခြားဘာသာပြန် ကျမ်းများမှာ မတွေ့ရပါဘူး။ အကြောင်းရင်းက

ဒီကျမ်းချက်ကို(၁၅ ) ရာစုလောက်မှာသာတွေ့ရပြီး အစောပိုင်းဂရိကျမ်းတွေမှာ မတွေ့ရပါဘူး။ ဒါကြောင့်ဒီကျမ်းချက်ကို သုံးပါးတစ်ဆူ ဘုရားမှန်ကန်ကြောင်း ခုခံရှင်းလင်းဖို့ အသင်းတော်သမိုင်းမှာ မသုံးခဲ့ကြသလို ခုလဲကျွန်တော်လုံးဝ မသုံးပါဘူး။ရာစုတိုင်းမှာ သုံးပါးတစ်ဆူ ဘုရားယုံကြည်မှုကို ခုခံ ကာကွယ်မှုတိုင်းမှာ ကျမ်းစာ

ကိုသာ အခြေခံကြတာပါ။ ဒါကြောင့် ကျမ်းစာအားလုံး (Total Scripture)ကြည့်ပြီးလေ့လာကြရအောင်။

- ပထမဦးဆုံးကျမ်းစာက ဘုရား(God)ကို တစ်ဆူတည်းဖြစ်ကြောင်း တိကျစွာ ဖော်ပြတယ်။

တစ်ဆူတည်း တည်ရှိတဲ့ ဘုရားသခင်ဆိုတာက

ငြင်းစရာမလိုအောင် ဂျုး၊မွတ်စလင်၊ခရစ်ယာန် နဲ့ Oneness အပါဝင်အားလုံးက ယုံကြည်ကြပါတယ်။ ကျမ်းစာမှာ တစ်ဆူတည်းသော ဘုရား

ဆိုတာ ရှင်းလင်းစွာ ဖော်ပြထားပါတယ်။

ထာဝရဘုရားသည် တစ်ဆူတည်းသောဘု ရားဖြစ်တော်မူ၏။ (တရားဟောရာကျမ်း ၆:၄)

တစ်ဆူတည်းသော ဘုရားမှ အဘယ်ဘုရားမှမရှိ။(ကောရိန္တုသြဝါဒစာပဌမစောင် ၈:၄)

ဘုရားသခင်သည် တစ်ဆူတည်းဖြစ်တော်မူ၏။(တိမောသေသြဝါဒစာ ပဌမစောင် ၂:၅)

- ဒုတိယအချက်အနေဖြင့် စဉ်းစားဖို့ လိုတာကကျမ်းစာက #တစ်ဆူတည်း လို့ သုံးတဲ့အခါမှာ ဘယ်လိုတစ်ဆူကို ဆိုလိုတာလဲဆိုတာကို သိဖို့လိုအပ်ပါတယ်။ ဟေဗြဲစကားလုံး(Hebrew) ကိုအသေးစိတ် လေ့လာမယ်ဆိုရင် တစ်ဆူတည်း (One God) ပြောတဲ့ အရာကလုံးဝ တစ်(one) မှ တစ်(one) ဆိုပြီးအမြဲဆိုလိုခြင်း မဟုတ်ဘဲ တစ်ခုနဲ့တစ်ခုပေါင်းမှတစ် Echad (אֶחָד) ဖြစ်တာကိုသုံးနှုန်းထားခြင်း ဖြစ်ပါတယ်။ ပြောချင်တာက နှစ်လွှာပေါင်းမှ တစ်(one)ရွက်ဖြစ်ခြင်းလို ပုံစံကိုဆိုလိုခြင်း ဖြစ်ပါတယ်။

- ဒါကြောင့် ဟေဗြဲဘာသာလို တစ်ဆူတည်းလို့ သုံးတဲ့အခါ တစ်(One)ကို Echad (אֶחָד) ဆိုပြီး အသုံးပြုထားပါတယ်။ ဒီ စကားလုံးကို အခြားကျမ်းတွေမှာလဲ သုံးထားပါတယ်။ ဥပမာ -

ညဦး နှင့် နံနက်ပေါင်းမှ တစ်Echad (אֶחָד) ရက်ဖြစ်ကြောင်း...။(ကမ္ဘာဦးကျမ်း ၁:၅)

ယောက်ျား နဲ့မိန်းမပေါင်းမှ တသားတကိုယ် တည်း Echad (אֶחָד)ဖြစ်ကြောင်း...။ (က၂:၂၄)

အသီးတပြွတ်ပါသော စပျစ်ပင် အခက်တခက် Echad (אֶחָד)ဖြစ်ကြောင်း..။(တော၁၃:၂၃)

တုတ်နှစ်ကြောင်းကို တစ်Echad (אֶחָד) ချောင်း ဖြစ်စေကြောင်း...။ (ယေဇကျေလအနာ ဂတ္တိကျမ်း ၃၇:၁၇)

- တစ်ကယ်လို့ တစ်ဆူတည်းဘုရား တစ်(one)မှ တစ်(one)လို့ သုံးချင်ရင်တော့ ဟေဗြဲစကားလုံးဖြစ် Yachid (יָחִיד) သုံးရမှာပါ။ ဥပမာ -

သူသည် တစ်ဦးတည်း Yachid (יָחִיד) သမီးဖြစ်၍ သူမှတပါး အခြား သမီးမရှိ..။ (တရားသူ ကြီး မှတ်စာ ၁၁:၃၄)

တစ်ယောက်တည်းYachid (יָחִיד)သောသား သေသည်...။(ယေရမိ အနာဂတ္တိကျမ်း ၆:၂၆)

- ဒီကျမ်းချက်တွေကို စနစ်တစ်ကျလေ့လာခြင်းအားဖြင့် ယုံကြည်စိတ်ချစွာ အဆုံးသက်နိုင်တာ တစ်ခုက တစ်ဆူတည်းဘုရားဆိုတာ တစ်(one) မှ တစ်(one)ကို ဆိုလိုခြင်းမဟုတ်ဘဲ တစ်ဆူ

တည်းမှာ ပုဂ္ဂိုလ်များရှိပြီး ထိုပုဂ္ဂိုလ်များပေါင်းမှ တစ်ဆူဖြစ်ကြောင်းကို သိနိုင်ပါတယ်။

- ဆက်ပြီးလေ့လာကြည့်မယ်ဆိုရင် ဓမ္မဟောင်းကျမ်းမှာ

ထိုအခါ ထာဝရဘုရား(Yahweh) သည်ထာ ဝရဘုရား (Yahweh) ထံတော်မှ သောဒုံမြို့ နှင့်ဂေါမောရမြို့အပေါ်သို့ကန့်နှင့် မီးမိုးကိုရွာသွန်း စေတော်မူ၏။(ကမ္ဘာဦးကျမ်း ၁၉:၂၅ မှာ )

စဉ်းစားကြည့်ပါ တစ်ဆူတည်း ဘုရားဆိုပြီး ဘယ်လိုဖြစ်ပြီး “ထာဝရဘုရား(Yahweh)သည် ထာဝရဘုရား(Yahweh) ထံတော်မှ” ဖြစ်ရတာလဲ။[ ? ]

ဘုရားသခင်(Elohim ) သည် သောဒုံမြို့ နှင့် ဂေါမောရမြို့တို့ကိုဖျက်စီး သကဲ့သို့ သင်တို့အ ချို့ကို ငါမှောက်လှန်၍ သင်တို့သည် မီးထဲက နှုတ်သော ထင်းစကဲ့သို့ ဖြစ်စေကြပြီ သို့သော် လည်းငါ့ထံသို့ပြန်၍ မလာကြဟု ထာဝရဘုရားသခင် (Yahweh) မိန့်တော်မူ၏။ (အာမုတ် ၄ :၁၁ )

နောက်တစ်ခုစဉ်းစားကြည့်ပါ တစ်ဆူတည်း ဘုရားဆိုပြီး ဘယ်လိုဖြစ်ပြီးတော့“ဘုရားသခင် (Elohim ) သည် သောဒုံမြို့ နှင့် ဂေါမောရမြို့တို့ကိုဖျက်စီးသကဲ့သို့.ထာဝရဘုရား (Yahweh) မိန့်တော်မူ၏။ နှစ်ဆူလိုဖြစ် မနေဘူးလား။ [?]

ထာဝရဘုရား(Yahweh)က ....ငါ့လက်ျာဘက်၌ ထိုင်နေလောဟု ငါ၏ ဘုရား( Adonai) အားမိန့်တော်မူ၏။(ဆာလံကျမ်း ၁၁၀:၁)

နောက်ဆုံးတစ်ခု စဉ်းစားကြည့်ပါ တစ်ဆူတည်းဘုရားဆိုပြီး “ထာဝရဘုရား(Yahweh) က...ဘုရား (Adonai)အား မိန့်တော် မူ၏။” ဆို

တော့ ဒီမှာလည်း ဘုရားနှစ်ဆူလိုဖြစ်နေပြန်တာ တွေ့ရပါတယ်။ ဒီမှာ လုံးဝအရေးကြီးတဲ့ အရာကဒီကျမ်းရဲ့ ဘုရား(Adonai)ဆိုတာ သခင်ခရစ် တော်က သူကိုယ်တိုင်ဖြစ်ကြောင်းကို (ရှင်မဿဲ ခရစ်ဝင်ကျမ်း ၂၂:၄၃-၄၅) မှာ ပြန်လည်ရှင်းပြခဲ့ပါတယ်။

ဒံယေလ Visionမှာ ထာဝရဘုရား(Yahweh)

အပြင်ကိုအခြား သူမြင်ရတဲ့အရာက “ လူသားနှင့် တူသော သူတစ်ဦးသည် မိုလ်းကောင်းကင်စီးလျက်၊ အသက်ကြီးသော သူ၏ထံတော်သို့ ရောက်လာ၏။..." (ဒံယေလအနာဂတ္တိ ၇:၁၃)

ဒီမှာ စဉ်စားစရာ ပေါ်လာပြန်တာ ကတော့ (တရားသူကြီးမှတ်စာ ၃၃:၂၆ )မှာ“မိုဃ်းကောင်း ကင်ကိုစီးတော်မှုသောယေရှုရုန်အမျိုး၏ဘုရား ခင်နှင့် တူသောသူမရှိ။ "လို့ ဖော်ပြတဲ့ အတွက် လူသားနဲ့တူသောသူကလည်းထာဝရဘုရားသာဖြစ်ပါတယ်။ ဒါဆို ထာဝရဘုရား နှစ်ဆူပုံစံ လို့ထင် မှားစရာတွေဖြစ်လာပါတယ်။ဒါပေမယ့်လို့ ဓမ္မဟောင်းမှာ အားလုံးက တစ်ဆူတည်းသော ဘုရားကိုသာ ကိုးကွယ်ယုံကြတာပါ။

... ငါသည် ဘုရားဖြစ်၏။ငါသည် အဦးဆုံးသောသူ၊နောက်ဆုံးသော သူဖြစ်၏။...ယခုတွင် အရှင်ထာဝရဘုရားနှင့်ဝိညာဉ်တော်ကစေလွှတ် တော်မူ၏။ (ဟေရှာယ ၄၈း၁၂ - ၁၆ )

ဒီနေရာမှာ ဘုရားသုံးဆူများရှိသလားဆိုပြီး

ထင်မှား နိုင်ပါတယ်။‌ဒါကြောင့် သုံးပါးတစ်ဆူလို့ ဓမ္မဟောင်းမှာ မသုံးထားပေမယ့်လို့ တစ်ဆူတည်းမှာ ပုဂ္ဂိုလ်များရှိကြောင်းကို ထင်ရှားစွာ

တွေ့ရပါတယ်။

- ဓမ္မသစ်ကျမ်းကို ရောက်လာတော့ တမန်တော်များနှင့် ရှေးကနဦးယုံကြည်သူများ အများစုက ဓမ္မဟောင်းကျမ်းရဲ့ ဆိုလိုရင်းကိုကောင်းစွာနား

လည် သဘောပေါက်ကြပါတယ်။ သခင် ခရစ် တော်အပါအဝင် တမန်တော်အားလုံးက ဂျုးလူ မျိုးဖြစ်ကြပြီး တစ်ဆူတည်းသောဘုရားကိုသာ ခြွင်းချက်မရှိ ယုံကြည်ကိုးကွယ်ကြပါတယ်။ ဓမ္မသစ်ကျမ်းကို ရေးသားတဲ့ သူတွေအာလုံးက (လုကာမှလွဲပြီး) ဂျုးလူမျိုးများသာ ဖြစ်ကြပါတယ်။ တမန်တော်ဝတ္တု ၁၇:၁၁ မှာ

နှုတ်ကပတ် တရားတော်ကို ခံယူ၍ မှန်သည်မမှန်သည်ကိုသိခြင်းငှါ၊ကျမ်းစာကို(ဓမ္မဟောင်း ကျမ်း) နေတိုင်းအစဉ်စေ့စေ့ ကြည့်ရှုကြ၏။ လို့

ဖော်ထားလို့ သူတို့အားလုံး ဓမ္မဟောင်းကျမ်းကို ကြေညက်စွာ လေ့လာထားကြကြောင်းတွေ့ရပါ

တယ်။ ဒါကြောင့် ဓမ္မသစ်ကျမ်း မှာ ဓမ္မဟောင်းကျမ်းမှ ကျမ်းချက်ပေါင်း ၈၅၅ လောက် ပြန်ပြီး ပါဝင်တာ တွေ့ရပါတယ်။ ဆိုလိုတာက ဓမ္မသစ်ကျမ်းက ဓမ္မဟောင်းကျမ်းနဲ့ ကွဲလွဲသွားတာမျိုး မဟုတ်ပဲ ဝိညာဉ်တော် ဖွင့်ပြမှုမှ တစ်ဆင့် ပိုပြီး အဓိပ္ပာယ်ကို ရှင်းလင်းစွာ နားလည်ခြင်းဖြစ်ပါတယ်။ ဒါ့ကြောင့် ဓမ္မဟောင်းကျမ်း တည်ရှိပြီးသားဖြစ်တဲ့ သုံးပါးတစ်ဆူ(Trinity)ကို ဓမ္မသစ်ကျမ်းပိုမိုရှင်းလင်းစွာ ဖော်ပြထားတာ တွေ့ရပါတယ်။

- ဓမ္မသစ်ကျမ်း(NT)မှာ ဓမ္မသစ်ဟောင်းကျမ်းကလိုပဲ ခမည်းတော် (Father)ကို ထာဝရဘုရား (Yahweh) အဖြစ် ရှင်းလင်းစွာ ဖော်ပြထားပါတယ်။

...ငါတို့ အဘ(ခမည်းတော်) ထာဝရဘုရား (Yahweh) အထံတော်မှ... " ( ဖိလိပ္ပိ ၁း၂ )

... ကောင်းကင်ဘုံ၌ သင်တို့အဘ တပါးတည်း ( GOD) ရှိတော်မူ၏။ (မဿဲ ၂၃:၉)

ခပ်သိမ်းသော ငါတို့၏ အဘဖြစ်သော ဘုရားသခင်တဆူတည်း( Yahweh) ရှိတော် မူ၏။ (ဧဖက် ၄: ၆)

- ပြီးဝောာ့ သားဝောာ်ဖြစ်တဲ့ သခင်ခရစ်တော် (Son) ကိုလည်း ထာဝရဘုရား ( Yehweh or Elohim) အဖြစ်ရှင်းလင်းစွာ ဖော်ပြထားပြန်ပါတယ်။( Elohim ကို ဂရိလို θεός (Theos)လို့ပြန်ပြီး အင်္ဂလိပ်လိုတော့ (GOD) လို့ဘာသာပြန်ပါတယ်။)

ကြီးမြတ်သော ဘုရားသခင်(GOD)တည်း ဟူသော၊ ငါတို့ကို ကယ်တင်တော်မူသော အရှင် သခင်ယေရှုခရစ်တော်...။( တိတု ၂: ၁၃)

ငါတို့ဘုရားသခင်(GOD) ယေရှုခရစ်၏ ဖြောင့်မတ်ခြင်း တရားကိုငါတို့ ယုံကြည်သည်နည်းတူ...။ (၂ ပေ ၁:၁)

ထိုခရစ်တော်သည် လည်းခပ်သိမ်းသော အရာတို့ကို အစိုးရ တော်မူ၍ ထာဝရမင်္ဂလာရှိတော်မူသော ဘုရားသခင်(GOD) ဖြစ်တော်မူ ၏။ အာမင်။ (ရောမ ၉:၅)

သောမကလည်း၊ အကျွန်ုပ်၏ အရှင်၊ အ

ကျွန်ုပ်၏ ဘုရားသခင်(GOD) ပါတကားဟု ပြန်၍ လျှောက်၏။ (ယောဟန် ၂၀:၂၈)

ရှင်ယောဟန်က သခင်‌ယေရူခရစ်ဝောာ်က

Ἐγώ εἰμί( I Am)ဖြစ်ကြောင်းကို (ရှင်ဟောဟန်

၈:၂၄, ၈:၅၈, ၁၃:၁၉, ၁၈:၅-၆) မှာဖော်ပြထားပါတယ်။ ဓမ္မဟောင်းကျမ်းမှာ" I Am” (אֶֽהְיֶ֖ה ) ကို

Yehweh နာမအဖြစ် အသုံးပြု ထားပါတယ်။

( ထွက်မြောက်ရာကျမ်း ၃:၁၄)

သခင်ခရစ်တော်ကို ဖန်ဆင်းရှင်(Yehweh)

အဖြစ် ကိုးကွယ်ကြပါတယ်။( ‌ယောဟန် ၁:၃, ကောလောသဲ ၁: ၁၆-၁၇, ဟေဗြဲ ၁:၂-၃)

- ဓမ္မဟောင်းကျမ်းလိုပဲ ဓမ္မသစ်ကျမ်းမှာ သခင်

ခရစ်တော်ကိုယ်တိုင်က (ရှင်မာကု ၁၂:၂၉) မှာ

ငါတို့၏ဘုရားသခင် ထာဝရ ဘုရားသည် တဆူတည်းသော ထာဝရဘုရားဖြစ်တော်မူ၏။ ထာဝရဘုရားသည် တပါးတည်းဖြစ်တော်မူ၏။

- လို့ရှင်းလင်းစွာ ဖော်ပြထားပေမယ့် တစ်ဖက်မှာလဲ ခမည်းတော်ကို ထာဝရဘုရား(Yehweh) အဖြစ်၊ သားတော်(ခရစ်တော်)ကိုလည်းထာဝရ ဘုရား(Yehweh)အဖြစ်ရှင်းလင်းစွာဖော်ပြထား ပါတယ်။ပြီးတော့ ခမည်းတော် နဲ့ သားတော်က

ထာဝရဘုရား(Yehweh)ဖြစ်ကြပေမယ့် ပုဂ္ဂိုလ်မတူဘူးဆိုတာကို လေ့လာတွေ့ရှိပါတယ်။

ယေရှုက၊ ငါ့ကိုစေလွှတ်တော်မူသောသူ၏ အလိုတော်ကို...။ (ယောဟန် ၄:၃၄)

ငါ့ကိုစေလွှတ်တော်မူသော ခမည်းတော် ၏ အလိုသို့ လိုက်၏။ (ယောဟန် ၅:၃၀)

ငါသည် ကိုယ်အလိုအလျောက် ဟောသည်မဟုတ်၊ငါ့ကိုစေလွှတ်တော်မူသောခမည်းတော် သည် အဘယ်သို့ ငါဆုံးမဟောပြော ရမည်ကို ပညတ်ပေးတော်မူပြီ။ (ယောဟန် ၁၂:၄၉)

... သားတော်ကို ဘုရားသခင်သည် စေလွှတ်တော်မူ၏။ (ဂလာတိ ၄:၅)

-အထက်က ကျမ်းချက်တွေကိုကြည့်ရင် ခမည်း

တော်( Father)ကစေလွှတ်သူဖြစ်ပြီးတော့ သားတော် (Son) က စေလွှတ်ခံရသူ ဖြစ်ကြောင်းကို

ခြွင်းချက်မရှိ ရှင်းလင်းစွာ တွေ့ရပါတယ်။ ပြီး

တော့(ယောဟန် ၁၇:၂၀-၂၄)မှာသခင်ခရစ်တော်

(Son)က ခမည်းတော်ထံ ဆုတောင်းခဲ့ပါတယ်။

အိုအဘ၊ ကိုယ်တော်သည် ဤကမ္ဘာမတည်မရှိမှီအကျွန်ုပ်ကိုချစ်၍ အကျွန်ုပ်အားပေးတော် မူသော ဘုန်းတော်ကိုအကျွန်ုပ်အား ပေးတော်မူသောသူတို့သည်ရှုမြင်ရမည်အကြောင်းအကျွန်ု ပ် ရှိရာအရပ်၌ အကျွန်ုပ်နှင့် အတူရှိနေစေခြင်းငှါ အကျွန်ုပ်အလိုရှိပါ၏။

အိုအဘ၊ ဤကမ္ဘာမတည်မရှိမီ အထံတော် ၌အကျွန်ုပ်ခံစားသော ဘုန်းအသရေနှင့် ယခုတွင်လည်း အကျွန်ုပ်ကို အထံတော်၌ မြှောက်တော်မူပါ။ (ယောဟန် ၁၇:၅)

- ဒီကျမ်းချက်တွေမှာ သခင်ခရစ်တော် (SON) က ကမ္ဘာမတည်မရှိမှီကတည်းက ခမည်းတော်

(FATHER) နဲ့အတူတည်ရှိကြောင်း ပေါ်လွင်ထင်

ရှားလှပါတယ်။ဒါ့ကြောင့်(ရှင်ယောဟန် ၁:၁)မှာ

အစအဦး၌ နှုတ်ကပတ်တော်(SON)ရှိ၏။ နှုတ်ကပတ်တော် (SON)သည် ဘုရားသခင်နှင့်အတူရှိ၏။ နှုတ်ကပတ်တော်(SON)သည်လည်း ဘုရားသခင် ဖြစ်တော်မူ၏။လို့ဖော်ပြထားခြင်းဖြစ်ပါတယ်။

- ဒါရှင်ပေါလုက (ဖိလိပ္ပိ ၂:၆- ၁၁) ထပ်မံရှင်းပြထားပါတယ်။

ထိုသခင်သည် ဘုရားသခင်၏သဏ္ဌာန်တော်နှင့် ပြည့်စုံတော်မူသည်ဖြစ်၍၊ ဘုရားသခင်နှင့် ပြိုင်သော အမှုကို လုယူခြင်း အမှုဟူ၍ မထင်မမှတ်လျက်ပင်၊မိမိအသရေကိုစွန့်၍အစေခံကျွန် ၏ သဏ္ဌာန်ကိုယူဆောင်လျက်၊ လူကဲ့သို့သော အဖြစ်၌ ဘွားမြင်ခြင်းကို ခံတော်မူ၏။

- ဘုရားသခင်ရဲ့ သဏ္ဌာန်တော်နှင့် ကမ္ဘာမတိုင်

မှီ ခမည်းတော်(FATHER)နဲ့အတူတည်ရှိပြီးသား သားတော်က (SON)က စွန့်လွှတ်ကာ လောကီ သားတွေ အတွက်ဆင်းကြွလာကြောင်း သိရှိရပါတယ်။

- နောက်ဆုံး သန့်ရှင်းသော ဝိညာဉ်တော်(Holy

Spirit)ကို ထာဝရဘုရား(Yehweh or Elohim)

အဖြစ် ဓမ္မသစ်ကျမ်းမှာ ဖော်ပြထားကြောင်း

တွေ့ရှိရပါတယ်။

ပေတရုကလည်း၊ အာနနိ၊ သင်သည်

#သန့်ရှင်းသောဝိညာဉ်တော် ကိုလှည့် စား၍၊ မြေကိုရောင်းသော အဘိုး၏ တဘို့ကိုထိမ်ဝှက်မည်အကြောင်း၊ စာတန်သည် သင်၏ စိတ်နှလုံးကို အဘယ်ကြောင့်ပြည့်စေရသနည်း။ ထိုမြေရှိစဉ်တွင် ကိုယ်ပိုင်သည် မဟုတ်လော။ ရောင်း၍ ရသော အဘိုးသည် ကိုယ်ဥစ္စာဖြစ်သည်မဟုတ်လော။ အဘယ်ကြောင့်ဤသို့ ကြံစည်သနည်း။ လူကိုသာမုသာပြောပြီ မဟုတ်၊ #ဘုရားသခင်

(GOD) ကိုလည်းမုသာပြောပြီဟု ပေတရုဆို၏။

(တမန်တော် ၅:၃-၄)

- ဒီနေရာမှာ ပေတရု သန့်ရှင်းသောဝိညာဉ်တော်

ကို ဘုရားသခင်(GOD)ဖြစ်ကြောင်း ဖော်ပြထားပါတယ်။ ဟေဗြဲ ၉:၁၄ မှာ သန့်ရှင်းသောဝိညာဉ်တော်က ထာဝရတည်ရှိကြောင်းကို ဆက်လက်ဖော်ပြပြီး(၁ကော ၂:၁၀)မှာလည်းသန့်ရှင်းသော ဝိညာဉ်တော်က အရာခပ်သိမ်း သိမြင်ကြောင်း

ရှင်းပြထားပါတယ်။

ထိုအရာတို့ကို ဘုရားသခင်သည် မိမိဝိညာဉ်တော်အားဖြင့် ငါတို့အား ဘော်ပြ တော်မူ၏။ ဝိညာဉ်တော်အားဖြင့် ဘုရားသခင်၏ နက်နဲ သော အရာတိုင်အောင် ခပ်သိမ်းသော အရာတို့ကို စစ်တော်မူ၏။

- သန့်ရှင်းသောဝိညာဉ်တော်က ပုဂ္ဂိုလ်ဖြစ်ပြီး

စကားပြောကြောင်း တွေ့ရပါတယ်။

ထိုသူတို့သည် သခင်ဘုရား ဝတ်ကိုပြု၍

အစာကိုရှောင်ကြစဉ်၊ သန့်ရှင်းသော #ဝိညာဉ်တော်က၊ ငါခန့်ထားသော အမှုကို ဆောင်ရွက်စေခြင်းငှါ ဗာနဗနှင့်ရှောလုတို့ကို ရွေးချယ်ခွဲထားကြလော့ဟု မိန့်တော်မူသည်အတိုင်း၊

(တမန်တော် ၁၃::၂)

- နောက်ပြီး ရှင်ပေါလုက သန့်ရှင်းသောဝိညာဉ်တော်မှာ စိတ်သဘောရှိကြောင်းကို ဖော်ပြထား

ပါတယ်။

စိတ်နှလုံးကိုစစ်တော်မူသော သူသည်လည်း ဝိညာဉ်တော်၏#စိတ်သဘောကို သိတော်မူ၏။ အကြောင်းမူကား၊ ဝိညာဉ်တော်သည် သန့်ရှင်းသူတို့၏ဆုတောင်းခြင်းအမှုကို ဘုရားသခင်၏ အလိုတော်နှင့်အညီစောင့်မတော်မူ၏။ (ရောမ

၈:၂၇)

- ဒါ့ကြောင့် ကျမ်းစာအားလုံး သေချာလေ့လာ

ကြည့်ရင်

ခမည်းတော်ကို ထာဝရဘုရား(Yehweh)

သားတော်ကို ထာဝရဘုရား(Yehweh)

ဝိညာဉ်တော်ကို ထာဝရဘုရား(Yehweh)

- ဆိုပြီး တွေ့ရပြီး ဒီသုံးပါးက သီးခြားပုဂ္ဂိုလ်များဖြစ်ကြောင်းလဲ ဖော်ပြထားပါတယ်။ဒါကို

(ရှင်ယောဟန် ၁၄:၂၆) မှာ

#ခမည်းတော် (FATHER)သည် #ငါ့အတွက်ကြောင့်(SON) စေလွှတ်တော်မူသော ဥပဇ္ဈာယ် ဆရာတည်းဟူသော #သန့်ရှင်းသောဝိညာဉ်တော်( Holy Spirit)သည် သင်တို့အား ခပ်သိမ်း သော အရာတို့ကို ပြသသွန်သင်တော်မူ၍၊ ငါပြောခဲ့သမျှသောစကားတို့ကိုမှတ်မိသောဉာဏ် ကို သင်တို့အား ပေးတော်မူမည်။

#ယေရှုသည်(SON)ဗတ္တိဇံ ကိုခံတော်မူပြီးလျှင်၊ ရေမှပေါ်ထစဉ်တွင်၊ ကောင်းကင်ဖွင့်လှစ်သဖြင့်၊ #ဘုရားသခင်၏#ဝိညာဉ်တော် (Holy

Spirit)သည် ချိုးငှက်ကဲ့သို့ ဆင်းသက်၍ ကိုယ် တော်အပေါ်၌နားတော်မူသည်ကို မြင်ရ၍၊ ဤ သူကားငါနှစ်သက် မြတ်နိုးရာ၊ ငါ၏ချစ်သားပေတည်းဟု #ကောင်းကင်ကအသံတော်

(FATHER)ဖြစ်လေ၏။ (မဿဲ ၃:၁၇)

#ခမည်းတော်(FATHER)ထံမှထွက်လာ၍ သမ္မာတရားနှင့် ပြည့်စုံသော #ဝိညာဉ်တော်

( Holy Spirit) တည်းဟူသော ခမည်းတော်ထံမှ သင်တို့ဆီသို့ #ငါ(SON) စေလွှတ်လတံ့သော ဥပဇ္ဈာယ်ဆရာသည် ရောက်လာသော အခါ၊ ငါ၏အကြောင်းကို သက်သေခံလိမ့်မည်။

(ယောဟန် ၁၅:၂)

သင်တို့သွား၍ လူမျိုးတကာတို့ကိုငါ့တပည့်ဖြစ်စေလျက်၊ #ခမည်းတော်၊ #သားတော်၊

#သန့်ရှင်းသောဝိညာဉ်တော် ၏ နာမ၌ ဗတ္တိဇံ ကိုပေးကြလော့။ ( မဿဲ ၂၈:၁၉ )

- နိဂုံးချုပ် ပြောချင်တာက သုံးပါတစ်ဆူ ဘုရား

ကို မယုံကြည်နိုင်ဘူးဆိုရင် ကျမ်းစာမယုံကြည်ဖို့ပဲ ရှိပါတယ်။ ဘယ်အသင်းတော် ကောင်စီမစ

ခင် တမန်တော်ကြီးများခေတ်မှာ သုံးပါးတစ်ဆူ

ဆိုတဲ့ဝေါဟာရ အသုံးမပြုကြပေမယ့်လို့သုံးပါး

တစ်ဆူရဲ့ အယူဆကတော့ ကျမ်းစာကဖုံးကွယ်

ထားခြင်းမရှိပဲရှင်းလင်းစွာဖော်ပြထားကြောင်း

လေ့လာ တွေ့ရှိရပါတယ်။ ထောမနာ သီချင်းနဲ့

အဆုံးသတ်ပါစေ

ကောင်းကျိုးလုံးစုံ ပေးတော်မူသော

ခမည်းတော်၊ သားတော်၊ ဝိညာဥ်တော်

ဂုဏ်ကျေးဇူးတော်ကို ချီိးမွမ်းကုန်

နတ်မိတ္တ သတ္တဝါလုံးစုံ အာမင်။

- မေတ္တာဖြင့်

- ရှိုင်းကိုကိုလင်း

( ဒုတိယပိုင်း ဆက်ရန်)

(#မှတ်ချက် စာရေးသူ၏ သုတေသနစာတမ်း

( Thesis)ပြုစုနေသည့ အစိပ်အပိုင်းဖြစ်လို့ ခွင့်ပြုချက်မရဘဲ Copy ကူးခြင်း သည်းခံပါ။)

#ကိုးကား

- The Forgotten Trinity by James White

- Father,Son, and Holy Spirit by Bruce Ware

- Seeking Allah, Finding Jesus by Nabeel

Qureshi

- The Holy Trinity: In Scripture, History,

Theology, and Worship by Robert Letham

- Dictionary of Early Christian Belief by

David W. Bercot

- ESV Study Bibl