တရုတ်ပြည်၏ ပထမဦးဆုံး ရဟန္တာ

St. Jean-Gabriel Perboyre (ရဟန္တာ ဂျွန်ဂါပရီအဲလ်ဘာပိုရယ်)

၀ူဟန်မြို့တွင် အသတ်ခံခဲ့ရသည့် ဓမ္မအာဇာနည်း

တရုတ်ပြည်၏ ပထမဦးဆုံး ရဟန္တာ

ရဟန္တာ ဂျွန်ဂါပရီအဲလ်ဘာပိုရယ်သည် ပြင်သစ်သာသနာပြုဖြစ်ပြီး ကက်သလစ်ဘာသာဝင်ရန် ပြင်ဆင်နေသူများ၏ သစ္စာဖောက်ကာ ငွေဖြင့်ရောင်းစားမှုကြောင့် ၁၈၄၀ခုနှစ်တွင် ၀ူဟန်မြို့၌ အဖမ်းခံခဲ့ရသည်။ သူ့ကို သံကြိုးဖြင့် ချီးနှောင်းထားကာ ရိုက်နှက်ခြင်း၊ မှန်စများပေါ်တွင် ဒူးထောက်ခိုင်းခြင်းဖြင့် ရက်စက်စွာ ညှင်းဆဲပြီး သစ်တိုင်းပေါ်တွင် လည်မျိုညှစ်သတ် ခံခဲ့ရ၏။

သူ၏ မှတ်စုစာအုပ်တွင် “ကျွန်တော့်ကို တရုတ်ပြည်မှာ ဘာတွေ စောင့်ကြိုနေမယ် ဆိုတာမသိပါဘူး။ ခရူစူးတိုင်ကတော့ သာသနာပြုတွေရဲ့ နေ့စဉ်အသက်မုန့်ပေါ့။ ခရူစူးတိုင်မှာ အသတ်ခံရတဲ့ သခင်ယေဇူးအကြောင်း ဟောနေမှတော့ ပိုကောင်းတဲ့အရာ ဘာမျော်လင့်စရာ ရှိအုန်းမလဲ။” ဟုရေးသားထားခဲ့သည်။ ၁၉-ရာစုတွင် တရုတ်ပြည်သို့သွားလျှင် အိမ်အပြန်လမ်းမရှိဟု သိရှိထားကြသည့် သာသနာပြုများစွာ တရုတ်ပြည်သို့ သွားရောက်ခဲ့သည်။ ၀ူဟန်မြို့၌ နောက်ထပ် အသတ်ခံရသူမှာ St. Francis Regis Clet ဖြစ်သည်။

ယနေ့ ကိုရိုနာဗိုင်းရပ်စ်စတင် ခဲ့တဲ့ ၀ူဟန်မြို့သည် ယခင်က အနောက်နိုင်ငံမှ ခရစ်ယာန်ပြုများ၏ အဓိက သာသနာပြုရာ မြို့ဖြစ်ခဲ့သည်။ ၀ူဟန်မြို့တွင် ကက်သလစ်သာသနာပြုများ ဆေးရုံ တည်ဆောက်ခဲ့ ကြသည်။ ထို့ကြောင့် နယူရောထိုင်သတင်းယူသူ ချာလ်စ်ပုတ်ဂလေ၏ သတင်းဓာတ်ပုံများအရ ၀ူဟန်ဗဟို ဆေးရုံအပြင်ဘက်၊ ကိုလိုနာရောဂါ စတင်ဖြစ်ပေါ်လာချိန် ကြိုးစားသတိပေးသူသည့် ဆရာဝန် လီဝန်လန် (Dr. Li Wenliang) သေဆုံးခဲ့ရာနေရာ၌ အီတလီသာသနာပြုများ၏ ရုပ်ထုကို တွေ့မြင်နိုင်၏။

ထိုပြတိုက်အောက်ရှိ ကျောက်ပြားပေါ်တွင် တရုတ်နှင့် အင်္ဂလိပ် နှစ်ဘာသာဖြင့် ရေးထားသည်မှာ…

“အီတလီနိုင်ငံမှ မုန်စီညော် Eustachius Zanoli သည် အရှေ့ဟူဘီး၌ ရိုမန်ကက်သလစ် အသင်းတော်၏ ပထမဆုံး ဆရာတော်ဖြစ်သည်။ သူသည် ၁၈၈၆ခုနှစ်တွင် Canossian Daughters of Charity ဂနိုးရှင် သာသနာပြု သီလရှင်များကို ဖိတ်ခေါ်ကာ လူမှုရေးလုပ်ငန်းများ၌ ကူညီစေခဲ့သည်။ ၁၈၈၀ခုနှစ်တွင် Hankou Catholic Hospital, ဟန်ဂေါ် ကက်သလစ်ဆေရုံ တည်ဆောက်ခဲ့ပြီး ၁၉၅၅ခုနှစ်တွင် ၀ူဟန်မြိူ့ ဖွင့်ဖြိုးရေဆိုင်ရာ ဆေးရုံကို ဆက်လက်တည်ဆောက်ခဲ့သည်။ ၁၉၉၉မခုနှစ်မှသာ ၀ူဟန်မြို့ ဗဟိုဆေးရုံ တည်ဆောက်ခဲ့ ကြသည်။” ဟုရေးသားထားပါသည်။

ထို့အပြင် ၁၉၂၆ခုနှစ်တွင် ဖရန်စစ်စကင် သာသနာပြုများ၏ ဆေးရုံကို အခြေခံကာ Wuhan Jinyintan Hospital ဆေးရုံကို ဘုန်းတော်ကြီးမေလ်ကို အောက်မေ့သည့်အနေဖြင့် တည်ဆောက်ခဲ့ကြသည်။ ဘုန်းတော်ကြီး၏ နာမည်အရင်းမှာ Fr. Pascal Angelicus Melotto (1864-1923) ဖြစ်ပြီး တရုတ်နာမည် Fr. Mei Zhanchun ဟု တရုတ်နာမည်ပြောင်းခဲ့သည်။ သူ့ကို ဖရန်စစ်စကင် သီလရှင်များကလည်း ကူညီခဲ့ကြသည်။ သူသည် ၁၉၂၃ခုနှစ်တွင် ပြန်ပေးဆွဲခံရပြီး သူ၏၀မ်းပိုက်၌ အဆိပ်ပြင်းသည့် ကျည်ဆံ ထိမှန်ခဲ့သည်။

တရုတ်ပြည် တော်လှန်ရေးနှင့် လူထုအုံကြွချိန်၌ တရုတ် ခရစ်ယာန်များ အမျိုးမျိုး ဒုက္ခဆင်းရဲခြင်းများကို ခံစားခဲ့ကြ၏။ ထိုအချိန်များ၌ သူတို့သည် သူတို့အတွက် အသတ်ခံခဲ့ရသည့် ဓမ္မအာဇာနည်း (Perboyre, and Clet) များ၏ အုတ်ဂူများကို ၀ှက်ထားကြပြီး သူတို့မှ တဆင့်ဆုတောင်းခဲ့ကြသည်ဟု ဆို၏။ ၀ူဟန်မြို့တွင် ကိုရိုနာဗိုင်းရပ်စ် ကူးစက်ခံစားနေရသူများ ထို့ရဟန္တာ၏ ရုပ်ပိုင်းဆိုင်ရာ နာကြင်မှုဝေဒနာကို ခန့်မှန်းသိရှိကာ စိတ်သက်သာ ရစေနိုင်သည်။

ဂျွန်ဂါပရီအဲလ်ဘာပိုရယ်ကို ပုပ်ရဟန်းမင်းကြီး ဒုတိယမြောက် ဂျွန်ပေါ်လ်က ၁၉၉၆ခုနှစ်တွင် ရဟန္တာတင်မြောက် ခဲ့လေသည်။ ပုပ်ရဟန်းမင်းကြီးက “ဂျွန်ဂါပရီအဲလ်ဘာပိုရယ်ကို စေလွှတ်တဲ့ လမ်းတစ်လျှောက်မှာ သခင်ယေဇူးရဲ့လက်ဝါးကပ်တိုင်ကို သူရှာတွေ့နိုင်ခဲ့တယ်။ သူဟာ နှိမ့်ချခြင်းနဲ့ နူးညံ့သိမ်မွေ့ခြင်းဖြင့် သခင်ယေဇူးကို အတုယူပြီး နေထိုင်ခဲ့တယ်။ သူ့ကို ဖမ်းဆီးထောင်ချပြီး အမျိုးမျိုး နှိပ်စက်တဲ့အခါမှာလည်း သခင်ယေဇူးလိုပဲ သစ်တိုင်မှာ ကာစင်တင် အသတ်ခံခဲ့ရတယ်။” ဟုမိန့်ကြားခဲ့သည်။

၂၀၀၀ခုနှစ်မှာ ယုံကြည်ခြင်းအတွက် အသက်ပေးခဲ့ကြသူများဖြစ်သည့် ရဟန္တာ နှင့်အတူ အခြားသာသနာပြု (၃၃) ဦးနှင့် တရုတ်နိုင်ငံသား ကက်သလစ် (၈၇) ဦးကို စုပေါင်းကာ ရဟန္တာတင်မြောက်ခဲ့လေသည်။ ထိုသို့တက်မြှောက်ခြင်းကို တရုတ်ပြည်အစိုရလက်အောက်ခံ ဆရာတော် က လူသိရှင်ကြား အရှက်ခွဲမှုအဖြစ် အေဘီရုပ်မြင်သံကြား မေးမြန်းချက်၌ တုန့်ပြန်ခဲ့သည်။

ယနေ့ ၀ူဟန်မြို့တွင် ထိုရဟန္တာများကို အထူးကြည်ညှိသည့် ကက်သလစ်ဘာသာတူများစွာ ရှိလေသည်။ ကိုလိုနာဗိုင်းရပ်စ်ကြောင့် ကြောက်လန့်နေကြသည့် ၀ူဟန်ခရစ်ယာန်အသိုင်းအ၀ိုင်းသည် သူတို့၏ ယုံကြည်ခြင်းကို အားပြုအသက်ရှင် နေကြကြောင်း တရုတ်ပြည်၌ သုတေသနပြုလုပ်သည့် သမိုင်းပါမောက္ခ Dr. Anthony Clark က အထောက်အထားများနဲ့အတူ ရှင်းပြထားပါသည်။

Thang Ha, SJ 

Ref: CNA (Courtney Mares)